«Andijon» futbol klubi 1964-yilda tashkil topgan. Dastlab «Irmash» nomi bilan boshlagan va so'ngra «Spartak» nomiga o'zgartirilgan. O'sha mavsumda sobiq Ittifoq chempionatida 5-zona, «B klass»da ishtirok etgan.
Shu paytga qadar jamoa nomi to'qqiz marotaba o'zgargan: «Spartak», «Andijan», «Andijanets», «Avtomobilist», «Vodnik», «Olimpiya», «Tekstilshik», «Paxtakor», «Navro'z». 1997-yildan buyon yana «Andijon» nomi bilan yuritib kelinadi.
O'zbekiston Superligasida (ilgari oliy liga) 1992-yildan beri ishtirok etib keladi. 1992–2004, 2006–2012, 2014–2016, 2019–2021 yillarni O'zbekiston chempionatida o'tkazgan. 2005, 2013, 2017, 2018 hamda 2022-yilgi mavsumlarda birinchi liga (hozirgi Proliga)da qatnashgan. 2023-yildan yana O'zbekiston Superligasida o'z ishtirokini davom ettirib kelmoqda.
O'zbekiston chempionati tarixida «Andijon» jamoasi hujumchisi Baxtiyor Hamidullayev ikki marta eng yaxshi to'purar maqomiga ega bo'lgan. 1999-yili 24 ta, 2002-yilda esa 22 ta gol urib, yaqqol to'purarlikni qo'lga kiritgan.
2023-yilgi chempionatda jamoamizning albaniyalik legioneri Rubin Hebay «Superliga-2023»ning eng yaxshi futbolchisi deb e'tirof etildi. Mavsum yakunlariga ko'ra, jamoamiz bosh murabbiyi Aleksandr Xomyakov hamda hujumchi Rubin Hebay chempionatning ramziy terma jamoasidan joy egalladi.
«Andijon» jamoasining O'zbekiston chempionatidagi eng yuqori natijasi 2008-yilda qayd etilgan bo'lib, musobaqa jadvalida 5-o'rinni qo'lga kiritgan.
2024-yilda esa «Andijon» klubi 60 yillik yubileyiga munosib sovg'a sifatida o'z tarixida ilk bor O'zbekiston Kubogini qo'lga kiritdi. 5-oktabr kuni Farg'onadagi «Istiqlol» stadionida «Navbahor»ga qarshi o'yinda «Andijon» dramatik tarzda 3:2 hisobida g'alaba qozondi va Kubokni boshi uzra ko'tardi. Bu jamoaning o'z tarixidagi eng katta g'alabasidir. Yangi sahifa ochayotgan «Andijon» birinchi marta Osiyo Chempionlar ligasi yo'llanmasini qo'lga kiritdi va 2025-yili OCHL 2 da debyutini o'tkazdi.
Jamoamiz tarixidagi barcha davrlarning eng zo'r to'purari — Baxtiyor Hamidullayev. U boshqalardan katta farq bilan oldinlab ketgan: milliy chempionatimizda 179 ta gol, O'zbekiston Kubogida esa 20 dan ziyod gol urgan. Umumiy hisobda 200 dan ortiq gol. Baxtiyor «Andijon» afsonasi sifatida tan olingan.
Navbahor
Paxtakor
Neftchi
Buxoro
So‘g‘diyona
Nasaf
Dinamo
Metallurg
Qizilqum
Mash'al
Surxon
Bunyodkor
Qo‘qon-1912
Lokomotiv
OKMK| Yil | Turnirlar | O | G | D | M | Gollar | Ochko |
|---|---|---|---|---|---|---|---|
| 2026 7-o'rin | Superliga, O'zbekiston kubogi | 22 | 10 | 4 | 8 | 36:23 | 34 |
| 2025 | Superliga, O'zbekiston kubogi | 33 | 9 | 9 | 15 | 43:57 | 36 |
| 2024 | Superliga, O'zbekiston kubogi | 33 | 10 | 14 | 9 | 47:42 | 44 |
| 2023 | Superliga, O'zbekiston kubogi | 29 | 13 | 5 | 11 | 33:26 | 44 |
| 2022 | Proliga, O'zbekiston kubogi | 21 | 14 | 5 | 2 | 36:17 | 47 |
| 2021 | Superliga, O'zbekiston kubogi | 29 | 4 | 8 | 17 | 24:45 | 20 |
| 2020 | O'zbekiston kubogi, Superliga | 28 | 1 | 15 | 12 | 14:32 | 18 |
